රටේ තරුණ පරපුරට සේවයක් කල හැක්කේ පලාත් සභාවෙන් නොව පාර්ලිමේන්තුවට පැමිණීමෙන් නිසා මෙම තීරණය ගත් බවයි ඇය පවසන්නේ.
කොහොමද ඔබේ දේශපාලන කටයුතු?
දේශපාලන කටයුතු හොඳින් කරගෙන යනවා. ලබන අවුරුද්දේ දකුණු පළාතේ ඡන්දයක් තියේවි.
දකුණු පළාතේ මට ඡන්දය දුන්නු ජනතාව වෙනුවෙන් මට කරන්න ලැබුණු වැඩකටයුතුත් එක්ක මම ලබන පළාත් සභා ඡන්දයට ඉදිරිපත් වෙනවා. දේශපාලනය තුළ මගේ බලාපොරොත්තුව පාර්ලිමේන්තුව නියෝජනය කිරීමයි.
ඒ මොකද, අපේ රටේ කාන්තාවන් සහ තරුණ පරපුර වෙනුවෙන් කිසියම් වැඩක් කරන්න මට ලොකු ආශාවක් තියෙනවා. ඒ සඳහා සුදුසු ම තැන තමයි පාර්ලිමේන්තුව.
ඔබ ඔබේ කාලයෙන් වැඩි ප්‍රමාණයක් යොදවන්නේ කලා කටයුතුවලට ද දේශපාලන කටයුතු වලට ද?
වැඩි කාලයක් යොදවන්නේ කුමකට ද කියලා මට කියන්න අමාරුයි. නමුත් මම මූලිකත්වය දෙන හැම දේටම මම කැපවෙනවා. අද කාලෙ එක පුද්ගලයෙකුට එක වැඩක් පමණක් කරල සෑහෙන්නේ නෑ. වැඩ දෙක තුනක් එකවර කරන්න සිදුවෙනවා.
මම මගේ කාලය කළමනාකරණය කරගෙන දේශපාලන කටයුතුත් කලා කටයුතුත්, ව්‍යාපාරික කටයුතුත් සාර්ථකව කරගෙන යනවා. ක්ෂේත්‍ර ගණනාවක වුණත් එකවර අභියෝග බාරගන්න පුළුවන් කෙනෙක් මම.